<h1 style="text-align: center;">لێكۆلینەك: ڤەیپ پڕن ژ نیکۆتینی</h1> <h1 style="text-align: center;">لێكۆلینەكا نوو دیاردکەت، جگارێن ئەلکترۆنی ''ڤەیپ'' بێ بەهر نینن ژ نیکۆتینی و هەموویان نیکۆتین تێداهەیە، ب ڕەنگەکی ئالۆدەكەرن کو ژ جگارێن ئاسایی پتر مرۆڤی ئالۆدە دکەن. لێكۆلین ل گۆڤارا JAMA بۆ نۆشدارییا دەروونی هاتییە بەلاڤکرن و ئاستێ کۆتینینێ د میزێ پێگەهشتییێن ڤەیپکێش دا د ماوێ چەند مەهان دا هەلسەنگاندییە و دیاربوویە؛ نێزیکی سێ جاران هندە زێدەکرییە، کۆتینین ئێکە ژ بەرهەمێن سەرەکی یێن تێکشکاندنا ماددێ نیکۆتینێ د لەشیدا. تیما لێكۆلینێ ب سەرۆکاتییا د. شارۆن لێڤی، سەرۆکێ پشكا شیاندنا ئالۆدەبوونێ ل نەخۆشخانا زارۆکان یا بۆستن ل ئەمریکا، گەهشتنە وێ ئەنجامی کو "ئەڤ ژییە بەرهنگاری بەرهەمگەلەکێ دبن کو چڕییا نیکۆتینا وان بلندترە، یان ماددێن زێدەکری تێدا هەنە کو وەل نیکۆتینی دکەن ب دەستکەفتتر بیت، یان ژی هاندەرن بۆ بکارئینانا پتر یان هەلمژین كوورتر بیت. د لێكۆلینیێ دا، لێكۆلەران شیکاری بۆ تومارێن ساخلەمییێ یێن پتر ژ 150 نەخۆشان کرییە کو ژییێن وان د ناڤبەرا 13 و 19 سالییێ دا بوون. هەموویان ل نەخۆشخانا زارۆکان ل بۆستن د ناڤبەرا سالێن 2023 و 2025 چارەسەری بۆ تێکچوونێن بکارئینانا ماددێن هۆشبەر وەرگرتییە، ڤێ چەندێ پتر ژ 1900 ئەنجامێن پشکنیتا میزێ یێن پێگەهشتییان بخۆڤە دگرتن. ئەنجامان دیارکر، تێکڕایا بلندترین چڕییا کۆتینینێ د میزا پێگەهشتییێن ڤەیپکێش لدووڤ دەمی بلندبوویە، ژ نێزیکی 1062 نانۆگرام بۆ هەر ملیلیترەکێ بۆ پتر ژ 2959 نانۆگرام بۆ هەر ملیلیترەکێ، د دەمەکی دا کو ئاستێ ئاسایی دڤێت کێمتر بیت ژ 10 نانۆگرام بۆ هەر میلیلیترەکێ بۆ کەسێ جگارەنەکێش و بۆ جگارەکێشان ژی 30 هەتا 500 نانۆگرام بۆ هەر میلیلیترەکێ بیت. ڤێ چەندێ ژی بزانە: ماددێ کۆتینینی د ئەنجامێ تێکشکاندنا نیکۆتینێ دا دروست دبیت، ئاماژەكا نایابە بۆ زانینا ڕێژا نیکۆتینی د لەشیدا کو دشیان دایە د ماوێ درێژدا ببیتە سەدەمێ (سەرئێشیێ،، کێمبوونا شیانێن هزركرنێ، لاوازبوونا هزرێ و ژبیرکرنێ). پێنج ماددێن مەترسیدار د ناڤ ڤەیپیدا: . نیکۆتین . نه‌خۆشیێن دل و بۆرییێن خوینێ لاوازبوونا هزرێ و ژبیرکرنێ هەودانا سیکلدانۆچکەیێن سیهان دو. بەنزین پەنجەشێر نەزۆکی تێکچوونا دیتنا خوینا هەیڤانە سێ. ئەکرۆلین نەخۆشیێن دلی و بۆریێن خوێنێ بەلغەم هەستیاری چار. ئەلدیهاید پەنجەشێرا خوینێ هەستیاری و هەودانا گەوریێ برینداربوونا دەڤی و دفنێ پێنج. پڕۆپلین ئەلکحول دژەبەستن هەستیارییا چاڤی، گەوری و دفنێ پەککەفتنا گۆلچیسكان</h1>
