<h1 style="text-align: center;">وەزارەتا کارەبا عێراقێ: ژ بەر شەڕێ ل دەڤەرێ دەمژمێرێن پێدانا کارەبێ کێمبووینە</h1> <h1 style="text-align: center;">وەزارەتا کارەبا عێراقێ ڕاگەهاند، ژ بەر چەند ئەگەرێن نە ئاسایی و شەڕێ ل دەڤەرێ، هنارتنا گازێ کێمبوویە و ئەڤێ چەندێ ژی کارتێکرن ل سەر دەمژمێرێن پێدانا کارەبێ کرینە. ئەڤڕۆ ئێکشەمبی، 19ی تیرمەها 2026ێ، ئەحمەد تورکی جیاد، پەیڤدارێ فەرمی یێ وەزارەتا کارەبا عێراقێ دیاركر: ئەم ئاگەهداری وێ چەندێنە کو وەڵاتی ژ بەر کێمبوونا دەمژمێرێن پێدانا کارەبێ ل پارێزگەهان د نالینن، ب تایبەتی ل گەل بلندبوونا پلێن گەرمێ و زێدەبوونا خواستێ ل سەر كارەبێ. پەیڤدارێ وەزارەتا کارەبێ گۆت ژی: نوکە تۆڕا نیشتمانی یا کارەبێ د ڕەوشەکا نە ئاسایی دابە و چەندین ئاستەنگ بەرهنگار بووینە، ژ وان: کێمبوونا دابینکرنا گازێ ژ بەر شەڕێ ل دەڤەرێ، بلندبوونا بەرچاڤ یا بارگرانیێ ل سەر تۆڕان، بەردەوامیا زێدەگاڤیان ل سەر تۆڕا کارەبێ و کەڤنبوونا پشکەک ژ ژێرخانان، زێدەباری وێ چەندێ کو پێدڤی ب بودجەیەکا زێدەتر هەیە بۆ نووژەنکرن و بەرفرەهـکرنا پڕۆژان.</h1>
