ڕێڤەبەرێ پێشتر یێ باجێ ل عیراقێ و هەڤژینا وی هاتنە سزادان

ڕێڤەبەرێ پێشتر یێ دەستەیا گشتی یا باجان ل عیراقێ و هەڤژینا وی ب تاوانا سپیکرنا پارەیی، سزایێ زیندانکرنێ بۆ دەرکەفت، دەست ب سەر 22 مولکێن وان دا ل بەغدا و تورکیا و زێڕێن وان دا هاتە گرتن.

ئەڤرۆ دەستەیا دەستپاکییا فیدرالی ل عیراقێ بڕیارا سزایێ زیندانکرنێ بۆ ڕێڤەبەرێ گشتییێ پێشتر یێ ڕێڤەبەریا گشتی یا باجان و هەڤژینا وی ڕاگەهاند، چونكی وان تاوانا سپیکرنا پارەی ئەنجامدایە.

دادگەها تاوانێن ل دژی گەندەلییا ناڤەندی، بڕیارا 10 سالێن زیندانکرنێ بۆ ئوسامە حوسام جەودەت، ڕێڤەبەرێ پێشتر یێ دەستەیا گشتی یا باجان ل عیراقێ و 5 سال و ئێك هەیڤێن زیندانکرنێ بۆ هەڤژینا وی دەرکرییە.”