پەیڤدارێ وەزارەتا دەرڤە یا ئیرانێ رەخنەیێن توند ل سیاسەتێن ئەمریکا گرتن و راگەهاند: وەلاتێ وی چ باوەری ب دبلۆماسییا واشنتۆنێ نەمایە و چ جۆرە دانوستاندنێن راستەوخۆ د ناڤبەرا هەردو وەلاتاندا نینن.

ئیسماعیل بەقایی، پەیڤدارێ وەزارەتا دەرڤە یا ئێرانێ دیار کر: کەس نەشێت باوەرییێ ب دبلۆماسییا ئەمریکا بکەت، ژبەرکو مە ئەزموونەکا گەلەک خراب دگەل وان هەیە، د دەمەکێ دا کو ئەو د ناڤ پرۆسەیا دانوستاندنێ دا بوون، وەلاتێ وی د ماوێ 9 هەیڤان دا دو جاران بەرهنگاری هێرشان بوویە، ئەڤ چەندە ب گۆتنا وی خیانەت بوو ل پرۆسا دبلۆماسی.