ئێکەتییا زانایێن ئایینێ ئیسلامی ل کوردستانێ ب توندی هێرشا مووشەکی یا سەر بارەگەیێ پێشمەرگەیی ل دەڤەرا سۆران شەرمزاركر و ڕاگەهاند، ڕشتنا خوینا بنەهەق زۆلمەکا مەزنە و چ بەهانە بۆ نینن.

ئێکەتییا زانایان ب توندی ئیدانەیا وێ هێرشا مووشەکی کر ئەوا شەڤا بوری بارەگەهێن هێزێن پێشمەرگەیی ل سپیلکی کرییە ئارمانج، کو د ئەنجامدا 6 پێشمەرگە شەهید بوون و 30 یێن دی ژی بریندار بوون.

ئێکەتییا زانایان دیار کر: ئەڤ کریارە ل دژی بنەما یێن ئیسلامێ، مافێن مرۆڤی و مافێ جیرانیێ یە، هەروەسا ڕشتنا خوینێ ب نەهەق وەک غەدرەکا دوژمنکارانە وەسفکر.

وێ ئێکەتیێ سەرەخۆشی ل مالباتێن شەهیدان کر و دوعایێن شیفایێ بۆ برینداران خواستن و گۆت: “خودایێ مەزن کوردستانێ بپارێزیت.”