مارک ساڤایا، هنارتییێ تایبەت یێ سەرۆکێ ئەمریکا دۆنالد ترەمپی بۆ کاروبارێن عێراقێ، بەیاننامەک ل تۆرا جڤاکییا (X) دا بەلاڤکر و تێدا دیار کر: وی کۆمبوونەکا گرنگ ل گەل تولسی گابارد، ڕێڤەبەرا هەوالگرییا نشتیمانی، جۆ کێنت، ڕێڤەبەرێ سەنتەرێ نشتیمانی یێ نەهێلانا تیرۆرێ ئەنجام دایە و بەحسێ گەلەک بابەتێن گرنگ کرینە.
ساڤایایی گۆت ژی: د کۆمبوونێ دا بەحسێ ڕۆلێ گروپێن میلیشیایێن سەر ب ئیرانێ ڤە هاتییە کرن” هەروەسا ئەو بزاڤێن پار یێن حکومەتا عێراقێ ب باشی دبینن، ب تایبەتی د پاراستنا ئاسایشا سنووران و بەرهنگاربوونا قاچاغچیاتی و گەندەلییێ دا.
ناڤهاتی ئەو ژی خویا کر: “ل بن فەرماندەییا سەرۆک ترەمپی، هەر بنپێکارییەکا بهێتە کرن دێ بەرهنگار بین و ئەم دێ کار کەین بۆ جهگیرکرنا ئاسایشا عێراقێ ب شێوەکێ کو خزمەتا سەروەرییا عێراقێ و خوشگوزەرانییا گەلێ وێ بکەت.”
