دۆنالد ترەمپ، سەرۆکێ ئەمریکا هۆشداری دا ئیرانێ و راگەهاند: هەكە ئیران ل سەر کوشتنا خۆنیشاندەران یا بەردەوام بیت، ئەو دێ گورزەکێ کوژەک و لێدانەکا بهێز ل وی وەلاتی دەن.
سەرۆکێ ئەمریکا د داخویانییەکا رۆژنامەڤانی دا دیار کر: ئەمریکا ب هووری چاڤدێرییا رەوشا ئیرانێ دکەت؛ كو ل دەمێ بۆری ئیرانێ دەست ب کوشتنا خەلکی کرییە، ئەگەر ل سەر ڤان کریارێن خۆ د بەردەوام بن، ئەمریکا دێ گورزەکێ کوژەک ل ئیرانێ دەت.
ماوێ دو حەفتییانە ل ئیرانێ، ژ بەر خرابییا رەوشا ژین و ژیارا خەلکی، دەست ب خۆنیشاندانان هاتییە کرن و لدووڤ راپۆرتێن فەرمی، هەتا نوکە 12 خۆنیشاندەر هاتینە کوشتن.
