<h2>بهایێ فرۆتنا گازا مالان د ئەڤسالەدا بەراورد دگەل سالا بووری بلندبوویە، فرۆشیارەك دبێژیت: نەهاتنا پشكا هەرێمێ ژلایێ عیراقێڤە ئەگەرێ بلندبوونا بهایێ گازێ یە.</h2> <h2> زیاد ئەبابەكر سەلیم، ئێك ژ فرۆشیارێن گازا مالایە بۆ ئاژانسا خانی ئاشكراكر، نوكە ئێك بەرمیلا گازا مالان ب 195 هزار دینارایە، ئەو هەر بەرمیلەكێ ب 185 هزار دیناران دكرن و ب 10 هزار دیناران بۆ مالان ڤەدگۆهێزن.</h2> <h2> سەبارەت بهایی ئاشكراكر، بهایێ ئەڤسالە بەراورد دگەل سالا بووری هەتا 30 هزار دیناران بلندبوویە، ئەگەر ژی ئەوە حكومەتا عیراقێ پشكا هەرێمێ نەهنارتییە، كو ئەگەر هاتبا هنارتن، دا ئەڤسالەژی وەكو پار بەرمیلێ ژ 155 هەتا 165 هزار دیناران دەنە وەلاتییان.</h2> <h2> ئاماژە ب هندێ دا، ژێدەرێن ئینانا گازێ زێدەبووینە، نوكە گەلەك جۆر د بازاریدانە، لێ قائیمقامییا دهۆكێ و ڕێڤەبەرییا نەفت و كانزایان بەردەوام دووڤچوونا بابەتی دكەن، ئەڤ كارە ل ژێر سەرپەرشتییا وان دهێتە كرن و ئەو ڕێ نادەن گازا كوالیتییا وێ خراب ب وەلاتییان بهێتە دان.</h2>
