وەزیرێ پەروەردێ یێ هەرێما کوردستانێ راگەهاند، ل دەستپێكا ئەڤ سالە حەفت هزار و 500 مامۆستا خانەنشین بوون و گۆت: ژ ئەگەرێ پێدڤییا پەروەردێ ب مامۆستایان، دەمێ خزمەتکرنا هزار و 400 مامۆستایان هاتە درێژکرن.
ئالان حەمەسەعید، وەزیرێ پەروەردێ د کۆنفرانسەكێ رۆژنامەڤانی دا ل هەولێرێ دەربارەیی دەستپێکرنا سالا خواندنێ 2025-2026 ێ” راگەهاند، هەتا نوكە سالناما خواندنێ نەهاتییە دیارکرن و دبیت ل دەستپێكا هەیڤا ئیلۆنێ” وی بابەتی بێخینە کۆمبوونا جڤاتا وەزارەتێ.
ئالان حەمەسەعید ئاماژە ب ئاریشا خانەنشینییا مامۆستایان کر و گۆت، ل دەستپێكا کانوونا دووێ یا ئەڤ سالە، 7500 مامۆستا خانەنشین بوون، ب تنێ ئەوێن كو 01-07-2025 خانەنشین دبوون، پتر ژ هزار و 400 مامۆستایانە، بەلێ یاسایێ خانەنشینیێ دەستهەلات دایە وەزیرێ كو ب ئەگەرێ پێدڤییا مە ب مامۆستایان، دەمێ خزمەتکرنا ئەوان خانەنشینان بۆ 31-12-2025 ێ” بهێتە درێژکرن.
