سوودانی ل سالیادا ئەنفالكرنا بارزانییان: ژ دل سەرەخۆشییێ ل بەرێز سەرۆك بارزانی دكەم

محەمەد شیاع سوودانی، سەرۆكوەزیرێن عیراقێ ل 42 سالییا ئەنفالا بارزانییان، سەرەخۆشی ل سەرۆك بارزانی كر.

محەمەد شیاع سوودانی، سەرۆكوەزیرێن عیراقێ ل سەر ئەكاونتێ خۆ یێ ( ئێكس )، هەڤخەمی و سەرەخۆشییێن خۆ بۆ كەسوكارێن قۆربانییێن وێ تاوانێ ب تایبەتی سەرۆك بارزانی دەربرین و ڕاگەهاند، ئەو 42 سالییا كریارا دڕندانەیا ئەنفالێ ل بیر دئینن، كو تێدا پیر، زارۆ، ئافرەت و گەنجێن مالباتا بارزانییا بەرێز بووینە ئارمانج.

هەروەسا دیاركر، ژ دل سەرەخۆشییێن خۆ ئاراستەیی برایێن بارزانی، ل پێشییا هەموویان بەرێز سەرۆك مەسعود بارزانی دكەت.