مەسرور بارزانی سەرۆكێ حكومەتا هەرێما كوردستانێ ڕاگەهاند، ئەوان ب ئامادەبوونا قوباد تالەبانی جێگرێ سەرۆكوەزیران، كۆمبوونەكا تایبەت ل دۆر بزاڤێن دابینكرنا مووچەی، ئەنجامێن دانوستاندنێن هەولێر و بەغدا و زوو دەستپێكرنا هنارتنا پەترۆلا هەرێمێ كر.
مەسرور بارزانی سەرۆكێ حكومەتا هەرێما كوردستانێ دیاركر، ئەوان د كۆمبوونێدا دووپاتی ل چركرنا هەموو بزاڤان دگەل حكومەتا فیدرال بۆ چارەسەركرنا ئاریشەیان كر، دڤی بیاڤیدا، كودەنگی و ئێك هەلویستی بۆ دابینكرنا مووچەی و شایستەیێن داراییێن خەلكێ كوردستانێ هەیە، كو مافەكێ قانوونی و دەستوورییێ مووچەخۆرانە، حكومەتا هەرێما كوردستانێ ل سەر كارێ هەڤپشك بۆ ب دووماهی ئینانا ڤان ئاریشەیان یا ڕژدە.
سەرۆكێ حكومەتا هەرێما كوردستانێ ئاشكرا كر، كارتێكرنەكا گەلەك خراب ل سەر ژیان و ڕەوشا مووچەخۆر و وەلاتییێن هەرێما كوردستانێ ب گشتی هاتییە كرن، حكومەتێ ئەڤ بابەتە ل پێشییا خۆ دانایە، بەردەوام كار بۆ چارەسەركرنا وی دكەت.
