وەزارەتا ناڤخۆ یا حكومەتا هەرێمێ رۆنكرنەك ل سەر داوی پێشڤەچوونێن ئەمنی بەلاڤكریییە.
ئەو چاڤەرێبوونا ژ لایەنێن پەیوەندیدار یێن حكومەتا فیدڕالی هەیی” كو ل دەمێ هەبوونا گەفان ل سەر هەرێما كوردستانێ یان هەر دەڤەرەكا دیتر یا عێراقێ، ژ پێخەمەتی دەركەفتنا ڕاستییان و ڕێكگرتن ل دوبارەبوونا گەفان و سزادانا ئەنجامدەران، ڕێكارێن پێدڤی بگریتە بەر، بەلێ مخابنی هەست دکەین جۆرەكێ پەردەپۆشكرنێ و خۆڤەدزینێ ژ بەرپرسیارەتییێ هەیە بەرانبەر ئەو زێدەگاڤییێن ئەمنی یێن ل دژی هەرێما كوردستانێ دهێنە ئەنجامدان.
ل سالێن بوری ب دەهان جاران هەرێم بەر ب هێرشێن درۆنی و مووشەكان دكەفت، هەر چەندە ئاراستە و ژێدەرێن مووشەك و درۆنان د دیار بوون و چەندین جاران بۆ دەرخستنا ڕاستییان لژنا هەڤپشك دناڤبەرا حكومەتا هەرێمێ و حكومەتا فیدڕالی دروست بوون، بەلێ دیسا مخابنی نە دەرئەنجامێن لێكۆلینان بۆ ڕایا گشتی دهاتنە ئاشكرا كرن و نە ل سەر ئەو تاوانێن ئاشكرا و كریارێن نە یاسایی كەس دهاتە سزا دان و چ رێكارێن ژی بەرانبەر چ لایەنەكێ نە دهاتنە گرتن.
ئەڤە د حالەكێدابوو كو د بلندترین ئاستێ دناڤبەرا هەردو ئالیان هەماهەنگی هەبوویە و بەڵگەیێن ڕوون و ئاشكرا لبەر دەست بوون.
هەروەسا ئەم ڕادگەهینین كو سەقایێ سیاسی و بیروڕایێن سیاسی یێن لایەنان د چ حال دا بن، پاراستنا ئاسایشا وەلاتی و ڕێكگرتن ل ئارمانجگرتنا ژیانا وەلاتییان و سەروەری و سەقامگیرییا وەلاتی ئەركێ پێشینەیێ دامودەزگەهێن فەرمی یێن هەردو حكوومەتا فیدڕالییا عێراقێ و حكومەتا هەرێما كوردستانێیە.
