وەزیرێ دەولەتێ بۆ کاروبارێن ناڤخۆ یێن ئەلمانیا ڕاگەهاند، د كۆمبوونێدا دگەل سەرۆكێ هەرێما كوردستانێ مە بەحس ل ڕەوشا سووریا كر و نێچیرڤان بارزانی دیتنا خۆ ل سەر پێشهاتێن وی وەلاتی بەحس كرن و گەلەك یا ب مفا بوو.
دوهی ڕۆژا ئەیینی نێچيرڤان بارزانى، سەرۆکێ هەرێما کوردستانێ دگەل هانس گیۆرک ئیێنگلکە، وەزیرێ دەولەتێ بۆ کاروبارێن ناڤخۆ یێ ئەلمانیا کۆمبوو، پشتی كۆمبوونێ هانس گیۆرک ڕاگەهاند، هاریكارییەكا باش دناڤبەرا مە دا هەیە و مە سۆپاسییا ئێكدوو كر كو ئەم هەڤپشكێن باوەرپێكرینە ل دەڤەرێ و مە دڤێت ئەڤ هاریكارییە یا بەردەوام بیت.
گۆت ژی: باشبوونا ڕەوشا سووریا بۆ ئەلمانیا گەلەك یا گرنگە، ژبەركو گەلەك خەلكێ سووریا ل ئەلمانیا هه‌نه. نێچیرڤان بارزانی دیتنا خۆ ل سەر پێشهاتێن وی وەلاتی دیاركرن و گەلەك یا ب مفا بوو، ژبەركو ب بوچوونا من ئەو باش د ڕەوشا دەڤەرێ دگەهیت.
