<h3>سه‌رۆك بارزانى په‌یامه‌كا پیرۆزباهییێ ب هه‌لكه‌ڤتا 31 سالییا دامه‌زراندنا ڕاگه‌هاندنا ئێكگرتوویا ئسلامییا كوردستانێ ئاراسته‌ى وێ حزبێ كر. ده‌قێ په‌یاما سه‌رۆك بارزانى: ب ناڤێ خۆدایێ مه‌زن و دلوڤان ب هه‌لكه‌ڤتا 31 سالییا ڕاگه‌هاندنا ئێكگرتویا ئیسلامییا كوردستانێ، پیرۆزباهییێ ل برایێ به‌رێز مامۆستا سه‌لاحه‌ددین به‌هائه‌دین سكرتێرێ گشتییێ ئێكگرتویا ئیسلامییا كوردستانێ و سه‌ركردایه‌تی و ئه‌ندام و لایه‌نگرێن ئێكگرتویا ئیسلامی دكه‌م، هیڤییا سه‌ركه‌ڤتنێ و به‌رده‌وامییێ بۆ دخوازم. دڤێ هه‌لكه‌ڤتێدا مه پێزانین بۆ ڕۆل و كارتێكرنا ئێكگرتویا ئیسلامی و سه‌ركردایه‌تییێن وێ د پرۆسه‌یا سیاسییا كوردستانێ و عیراقێدا و هه‌لویستێن وان د وێستگه‌هێن جۆدا دا هه‌نه، هه‌روه‌سا دووپاتییێ ل پێدڤییا پێكڤه‌یى و ته‌باییا دناڤبه‌را لایه‌نێن سیاسیدا و ده‌ستگرتن ب هێلێن ستراتیجی و به‌رژه‌وه‌ندییێن گه‌لێ خۆ دكه‌ین.</h3>
