محه‌مه‌د شیاع سوودانى سه‌رۆكوه‌زیرێن عیراقێ ل كۆچكا حكومى مێڤاندارییا سه‌رۆكێ په‌رله‌مانى و هه‌ردوو جێگرێن وى و سه‌رۆكێن فراكسیۆنان كر.
ل دووڤ ڕاگه‌هاندنا نڤیسینگه‌ها سوودانى، دكۆمبوونێدا به‌رنامه‌یێ حكومه‌تێ و گرنگییا پشته‌ڤانیكرنا پێنگاڤێن حكومه‌تێ ل تمامكرنا پرۆژه‌یێن خزمه‌تگوزارى و ئابوورى یێن په‌یوه‌ندى ب ژیانا وه‌لاتییانڤه هه‌ى، هاتنه گوتوبێژكرن.
هه‌روه‌سا دانوستاندن ل سه‌ر چه‌وانییا ب هێزكرنا په‌یوه‌ندییان دناڤبه‌را ده‌ستهه‌لاتێن دانانا قانوونان و بجهئینانا وان بۆ گه‌هشتن ب ئارمانجێن گه‌ش هاتنه كرن.
ل دووڤ ڕاگه‌هاندنا نڤیسینگه‌ها سه‌رۆكوه‌زیران، دووپاتى ل پابه‌ندبوونێ ب وێ ده‌قێ هاته كرن، یێ كو تایبه‌ته ب به‌رهه‌مئینانا هه‌ر به‌رمیله‌كا په‌ترۆلێ، كو ژلایێ جڤاتا وه‌زیرانڤه ل ڕوونشتنا ژماره 45 یا چریا دووێ یا بوورى هاتییه په‌سه‌ندكرن.
