<h2 style="text-align: justify;"><span style="font-size: 18pt;">نێچیرڤان بارزانی، سەرۆكێ هەرێما کوردستانێ ب هەلكەڤتا 72 سالییا دامەزراندنا ئێكەتییا ژنێن كوردستانێ گەرمترین پیرۆزباهی ل ژنێن كوردستانێ كرن و ڕۆلێ وان د پێشڤەبرنا جڤاكی و بهێزكرنا بهایێ یەكسانی و دادپەروەرییێدا بلند نرخاند. </span> <span style="font-size: 18pt;">سەرۆكێ هەرێما کوردستانێ ڕاگەهاند، د دەمێ خەباتا دویر و درێژدا، ئێكەتییا ژنێن كوردستانێ سەلماند، ژن د گەشەپێدانا جڤاكێ مەدەنیدا هەڤپشكێن سەرەكینە، هەردەم ژێدەرێ هێز و داهێنانێ بوو بۆ بەرەڤانیكرنێ ژ ماف و مسۆگەركرنا داهاتییەكێ باشتر.</span> <span style="font-size: 18pt;">نێچیرڤان بارزانی دیاركر، د ڤێ ڕۆژێدا ڕۆلێ ژنێن كوردستانێ ژبیرناكەن و پشتەڤانییەكا تمام بۆ كار و بزاڤان ژ پێخەمەت پاراستنا مافێن ژنان و ئاڤاكرنا جڤاكەكێ پێشكەڤتی ل سەر بنەمایێ یەكسانی و دادپەروەری تەكەزكر.</span> <span style="font-size: 18pt;">ل دووماهییێ، سەرۆكێ هەرێما کوردستانێ سلاڤ گەهاندنە ئەوان ژنێن ب دلسۆزانە خزمەتا گەل و وەلاتێ خۆ دكەن، هیڤی خواستن ب ڤێ هەلكەڤتێ هەموو مافێن ژنێن كوردستانێ ب دەستڤەبهێن.</span></h2>
