ژبەركو ڕازی نینن دەنگی ب ئێكەتییێ بدەن، سێ کارمەندێن کۆمپانییه‌كێ ل سلێمانییێ ژ كارێن وان هاتنە دەركرن

سێ کارمەندێن کۆمپانییه‌كا پاسەوانی ل سنۆرێ قه‌زا بازیان یا سەر ب پارێزگەها سلێمانییێ ڤە، ژبەركو د ئامادە نینن دەنگ ب لیستا ئێكەتییێ بدەن، ژ كارێن وان هاتنە دویرخستن.

ل دویڤ زانیارییان، ئەو گه‌نجە كو‌ پاسه‌وانێن كارگه‌هه‌كا جبسانە، داخازا كارتا وان یا ده‌نگدانێ ژێ هاتیەكرن‌، ئەوان ژی ڕه‌تكریە‌‌ کارتێن خۆ ڕادەست بکەن، لەوما ژ كارێن وان هاتینە دەركرن.

ئەمیر جەمال، ئێكە ژ وان گەنجێن ژ كارێ وی هاتیە دویرخستن ڕاگەهاند، دوهی ڕۆژا ئەیینی ئەو هاتینە ئاگەهداركرن كو پێدڤییە كارتا خۆ یا دەنگدانێ ڕادەستی ئێكەتییێ بكەن داكو دەنگێ وان بۆ خۆ مسوگەر بكەن. لێ وان ئەو چەندە ڕەتكر، ژبەركو دەنگێ وان بۆ لیستا پارتی دیموكراتی كوردسانە، لەوما ئەو و دوو هەڤالێن وی ژ كارێن وان هاتنە دویرخستن.