وەزارەتا په‌ترۆلا ئیراقێ کۆژمێ په‌ترۆلا ل مه‌ها بووری ھنارتییە بازارێن جیھانی و داھاتێ وێ ژی بەلاڤکر و راگه‌هاند، داھاتێ مه‌ها بووری، ملیارەکا دۆلاران زێدەبوویە.
وەزارەتا په‌ترۆلا ئیراقێ د بەیانەکێ دا دیار کرییە: ل دووڤ وان داتایێن ھنارتنا په‌ترۆلێ کو ژلایێ کۆمپانیا سۆمۆ گەھشتینە وان، ل ھەیڤا 12 یا سالا بووری وان 88 ملیۆن و 211 ھزار و 750 بەرمیلێن په‌ترۆلێ بۆ بازارێن جیھانێ ھنارتینە.
ھەروەسا گۆتییە: سەرجەمێ گشتی یێ داھاتێ وێ نەفتێ، چار ملیار و 235 ملیۆن و 313 ھزار دۆلار بوون، ھەڤبەركرن ل گەل ھەیڤا 11 یا سالا بووری، ملیار دۆلار زێدەبووینە، ژ ئەگەرێ بلندبوونا بھایێ په‌ترۆلێ د بازارێن جیھانی دا، ھەر بەرمیلەکێ په‌ترۆلێ ب کۆژمێ 48 دۆلار و 13 سەنتان ھاتییە فرۆشتن.
