ژبۆ باشترکرنا رەوشا کارەبێ؛ ھژمارەکا گھۆرکێن کارەبێ و ستوینێن نوو یێن کارەبێ ل سنۆرێ ناوچەدارییا شێلادزێ دھێنە دانان و کار ژی یێ ل سەر بەردەوامە.
ئەندازیار سوبحی عەزیز بەرپرسێ بنگەھێ سەخبێرکرنا کارەبا شێلادزێ بۆ خانی نیۆز گۆت: نوکە ئەو یێ کار ل سەر سەخبێرکرنا کارەبا سنۆرێ ناوچەدارییا شێلادزێ دکەن کو بریتى یە ژ سەخبێرییان و گھۆرین و دانانا پازدە گھۆرکێن کارەبێ کو ھند ژ وان ھاتینە زێدەکرن، ھەروەسا ٢٤٥ ستوینێن نوو یێن کارەبێ دھێنە دانان و کار یێ ل سەر بەردەوامە.
ل دۆر کوژمێ بۆ ھاتییە تەرخانکرن ژی ناڤھاتی دا زانین: کۆژمەیێ ٣٤٠ ملیۆن دیناران ژلایێ کارگێرییا پارێزگەھا دھوکێ ڤە بۆ ھاتینە تەرخانکرن. ھەروەسا گۆت ژى: پشتی ب دووماھی ھاتنا ڤی پرۆژەی دێ بارێ گھۆرکێن دی یێن کەڤن ھێتە سڤککرن و تا رادەیەکی باش دێ ئاریشەیا ھاتنە خارا گھۆرکان چارەسەربیتن و دێ ب دروستی کارەب گەھیتە وەلاتییان.
خانى نیوز، سامى رێکانى
