سه‌رۆكێ هه‌رێما كوردستانێ پێشوازى ل جێنێرال جۆل ڤاول فه‌رمانده‌یێ گشتییێ هێزێن هه‌ڤپه‌یمانان ل عیراقێ و سووریا و شاندێ دگه‌لدا كر. سه‌رۆكایه‌تییا هه‌رێما كوردستانێ ڕاگه‌هاند، دكۆمبوونێدا نێچیرڤان بارزانى و شاندێ هه‌ڤپه‌یمانان، ڕه‌وشا ئه‌منى و مه‌ترسییێن تیرۆرێ و گه‌فێن داعشێ ل سه‌ر ئاسایش و ئارامییێ ل عیراقێ و سووریایێ گوتوبێژكرن، دووپاتى ل پێدڤییا به‌رده‌وامییا هاریكارییا هه‌ڤپشك و هه‌ماهه‌نگییا دناڤبه‌را هێزێن پێشمه‌رگه‌ى و له‌شكه‌رێ عیراقێ و هێزێن هه‌ڤپه‌یماناندا كر. سه‌رۆكایه‌تییا هه‌رێمێ گوت ژى: دكۆمبوونێدا داكۆكى ل سه‌رخستنا پرۆسه‌یا چاكسازییێ ل وه‌زاره‌تا كاروبارێن پێشمه‌رگه‌ى و ئێكخستنا پێشمه‌رگه‌ى هاته كرن، هه‌ردوو لا ل سه‌ر گرنگییا پشته‌ڤانیكرنا پرۆسه‌یێ و نه‌هێلانا ته‌گه‌ره‌یێن هه‌رێمێ د هه‌ڤرابوون.
