پارتى پیرۆزباهی ل ئێكه‌تییێ كر و دووپاتى ل هه‌ماهه‌نگییا لایه‌نێن سیاسى كر

مه‌كته‌یا سیاسییا پارتى ل ( 49 ) سالییا دامه‌زراندنا ئێكه‌تییێ، دووپاتى ل هه‌ماهه‌نگی و ته‌باییا دناڤبه‌را هه‌موو لایه‌نێن سیاسییێن هه‌رێما كوردستانێدا بۆ چاره‌سه‌ركرنا ئاریشه‌ و بابه‌تێن چاره‌نڤیساس و پاراستنا ده‌ستكه‌ڤتێن گه‌لێ كورد كر.

ده‌قێ په‌یاما پیرۆزباهییا مه‌كته‌با سیاسییا پارتى:

به‌رێز / بافل جه‌لال تاله‌بانى سه‌رۆكێ ئێكه‌تى نیشتیمانى كوردستان

به‌رێزان ل مه‌كته‌با سیاسى و جڤاتا بلندا سیاسى و به‌رژه‌وه‌ندییا ئێكه‌تى نیشتیمانى كوردستان.

ب هه‌لكه‌ڤتا ( 49 ) سالییا دامه‌زراندنا ئێكه‌تى نیشتیمانى كوردستان، پیرۆزباهییه‌كا گه‌رم ل هه‌وه‌یێن به‌رێز و كادر و ئه‌ندام و لایه‌نگرێن حزبا هه‌وه‌ یا تێكۆشه‌ر دكه‌ین، هیڤییا به‌رده‌وامبوونێ و سه‌ركه‌ڤتنێ بۆ هه‌وه‌ دخوازین.

دڤێ ده‌رفه‌تێدا جاره‌كا دى دووپاتییێ ل هه‌ماهه‌نگى و ته‌بایى و هه‌ڤخه‌باتا خوه‌ مل ب ملێ هه‌موو هێز و لایه‌نێن سیاسییێن كوردستانێ بۆ چاره‌سه‌ركرنا ئاریشه‌ و بابه‌تێن چاره‌نڤیساز، پاراستنا ده‌ستكه‌ڤتێن گه‌لێ مه‌ و داكۆكیكرن ل قه‌واره‌یێ هه‌رێما كوردستانێ و هێز دامه‌زراوه‌یێن وێ دكه‌ین.

جاره‌كا دى پیرۆزباهییێ ل هه‌وه‌ دكه‌ین و هه‌ر سه‌ركه‌ڤتى بن.

مه‌كته‌با سیاسییا پارتى دیموكراتى كوردستان.