وەزارەتا چاندنێ یا حکومەتا هەرێما کوردستانێ ڕاگەهاند، ژ پێخەمەت ڕێگری ل بەلاڤبوونا نەخۆشییا تایا خوینبەربوونێ کو نوكە ل هندەك پارێزگەهێن عیراقێ بەلاڤبوویە، شەش ڕێكار گرتنەبەر.
ڕێكار ژی ئەڤەنە:
ئێك: پێدڤییە سەرژێكرنا گیانەوەران ل جهێن فەرمی بن و ب پشكنین و مۆرا فەرمییا ڤیتەرنەری بكەڤیتە بازاڕی و سەربڕین ل سەر ڕێك و جاددە و ل کۆلانان قەدەغەیە.
دوو: پشکنینا بەری سەرژێكرنێ و پشتی سەرژێكرنێ بۆ گیانەوەران بهێتەكرن بۆ مەرەما پشتڕاستبوون ل ساخلەمییێ.
سێ: پێدڤییە رێكارێن ساخ و ڕێکارێن ساخلەم د جلۆبەرگێن تایبەتمەد و بكارئینانا کەلوپەلێن سەرژێكرنێ بەرچاڤ بهێنە وەرگرتن.
چار: پێدڤییە ل خالێن سنوورى و فڕۆکەخانەیان، پشکنینێن هویر بۆ ئەوان گیانەوەران بهێتەكرن کو بۆ هەرێما كوردستانێ بهێنە هنارتن بۆ هندێ ساخلەمییا گیانەوەران بهێتە پشتڕاستكرن.
پێنج: وەزارەت ڕێکارێن پێدڤی بگرنەبەر بۆ دابینكرنا دەرمانێن شویشتنا گیانەوەران بۆ ژناڤبرنا مشەخۆران كو ئەگەرێ سەرەكییێ ڤەگوهاستنا ڤایرۆسێ نەخۆشییا تایا خوینبەربوونێ نە دناڤ گیانەوەران.
شەش: كونترۆلكرنا دیاردەیا بازرگانییا گیانەوەران ب شێوەكێ نەفەرمی ژ دەرڤە و ناڤ هەرێم و عیراقا فیدرال، هەروەسا ڕێكگرتن ل ئینانا گیانەوەران ئەوان پارێزگەهان کو نەخۆشی تێدا بەلاڤبوویە.
