ڕەڤەندا كوردستانی ل باژێرێ وۆلفسبۆرگی ل ڕۆژهەلاتا ئەلمانیا ب سەرپەرشتییا شیفا بارزانی كۆمبوون. پشكدارێن كۆمبوونێ باس ل پارستنا زمان و ناسنامە و فەرهەنگا كوردی د نڤشێ نوی یێ كوردستانێ ل ئەلمانیا كر.
ڕەڤەندا كوردستانی ل وۆلفسبۆرگی بۆ هندێ پێنگاڤەكا داهاتی یا ڕەڤەندا كوردستانی ل ئەلمانیا گوتۆبێژبكەن دێ زێدەتر گرنگییێ ب چالاكی و بەرهەمان دەن.
فەرهاد ئەحمێ چالاكڤانێ ڕێكخراوا مەددەنی دیاركر، ڕەڤەندا كوردستانی ئێكە ژ ڕەڤەندێن چالاكێن ئەلمانیا، پێنگاڤێن گەلەك باش هەنە ب تایبەت جێگیركرنا زمانێ كوردی ل پشكەكا قوتابخانە و باخچەیێن ساڤا ل ئەلمانیا، ژ لایەكێ دی ڤە گەلەك كورد ل پەرلەمان و سازییێن ئەلمانیا هەنە.
شیفا بارزانی، سەرپەرشتیارێ ڕەڤەندا کوردستانی دیاركر، ئەو گەنج و لاوێن كورد یێن دڤێن ڤەگەڕنەڤە و خزمەتا وەلاتێ خۆ بكەن، خزمەتا سیاسەت و ئابووری و وەرزشییا وەلاتێ خۆ بكەن، ئەم د خزمەتا وان داینە.
