سەرۆکا فراکسیۆنا پارتی ل پەرلەمانێ عیراقێ ڕاگەهاند، دەمێ سەرەدانا سوودانی بۆ واشنتن یا گرنگە و د هەمان دەمدا یا هەستیارە ژی، ئارمانجا سەرەکی یا سەرەدانێ، کاراکرنا ڕێککەفتنا چارچووڤێ ستراتیژی یێ دناڤبەرا عیراق و ئەمریکایە.
ئەڤرۆ د. ڤیان سەبری، سەرۆکا فراکسیۆنا پارتی ل پەرلەمانێ عیراقێ ل دۆر سەرەدانا محەمەد شیاع سوودانی، سەرۆکوەزیرێن عیراقێ بۆ ئەمریکا ڕاگەهاند، “دەمێ سەرەدانا سوودانی بۆ واشنتن یا گرنگە و د هەمان دەمدا ژی یێ هەستیارە، ژ ئەگەرێ ئەوان گرژی و ئالۆزییێن ل ڕۆژهەلاتا ناڤەڕاست هەی”.
ل دویڤ گۆتنا سەرۆکا فراکسیۆنا پارتی، ئارمانجا سەركییا سوودانی بۆ واشنتن، كاركرنە د ڕێككەفتنا چارچووڤێ ڕێککەوتنی ستراتیژی یێ دناڤبەرا عیراق و ئەمریکایە، ئاریشەیێن دارایی یێن عیراقێ و کارکرن بۆ ئارامكرنا ڕەوشا نوكە یا ڕۆژهەلاتا ناڤەڕاست.
هەروەسا ڤیان سەبری دیاركر، كو نوونەرێن هەرێما كوردستانێ ژی دناڤ شاندێ حکومەتا عیراقێ بۆ ئەمریکا دا هەنە و ئەڤی ژی خالەكا گەلەك یا گرنگە بۆ مە.
