هۆگر عەلی: ب مه‌ره‌ما دەستێ کارێ ناڤخۆ رێگری ل هاتنا کرێکارێن سووری هاتییه‌ کرن

شیره‌تکاره‌ك ل وەزارەتا کار و کاربارێن جڤاكی ڕاگەهاند، بڕیارا ڕێگریکرنێ ل هاتنا کرێکارێن سووری ل وەزارەتا ناڤخۆیا هەرێما کوردستانێ هاتییه‌ دەرکرن.

هۆگر عەلی، زێده‌تر گۆت، بڕیارا ڕێگریکرنێ ل هاتنا کرێکارێن سووری ل وەزارەتا ناڤخۆیا هەرێما کوردستانێ هاتییه‌ دەرکرن، كو ئه‌ڤه‌ ب پشتبەستن ب بڕیارا 172 ێ یا جڤاتا وەزیرانە، کو به‌حسێ دیارکرنا کرێکارێن بیانی دكه‌ت د پڕۆژێن تایبەت و پڕۆژێن هه‌ڤپشك دا.

ئه‌و ژی گۆت: پشتی دەرکرنا وێ بڕیارێ ژ لایێ سەرۆکێ حکومه‌تێڤە، پێدڤییە ئه‌م وه‌كو وەزارەتا کار و کاروبارێن جڤاكی ڕێنماییەکێ دەرکەین ب مه‌ره‌ما ئاسانکارییا بجهئینانا وێ بڕیارێ، له‌وما مه‌ لژنەكا بلند  پێکئینایە ب مه‌ره‌ما هندێ سەره‌دانا پڕۆژان بكه‌ن و پشکنین بكه‌ن، پاشی دێ ڕاپۆرته‌كێ بلند کەن بۆ مه‌ هنێرن، هەر کەسێ پابەند نەبیت دێ رێکارێن یاسایی بەرامبەر گرینەبەر.