ئەڤرۆ هەوەكا دار چاندنێ ل سنۆرێ ئیدارەیا سەربەخۆ یا زاخۆ بڕێڤەچوو و گوهدار شێخۆ ڕاگەهاند، ” دێ ڕێژەیا كەسكاتییێ ل زاخۆ گەهینینە ئاستێ ستاندەردێ جیهانی. “
ئەڤرۆ ڕۆژا پێنجشەمبی ل ژێر چاڤدێرییا گوهدار شێخۆ، سەرپەرشتێ ئیدارەیا سەربەخۆ یا زاخۆ هەوەكا دار چاندنێ ب مەبەستا زێدەكرنا ڕێژەیا كەسكاتییێ ل وی سنۆری بڕێڤەچوو.
گوهدار شێخۆ د لێدوانەکا ڕۆژنامەڤانی دا ڕاگەهاند، ” دەمێ دوو سالایە ئەم گرنگییەکا مەزن ددەینە ژینگەهێ و زێدەكرنا ڕێژەیا كەسكاتییێ و دار چاندنێ ل سنۆرێ ئیدارەیا سەربەخۆ یا زاخۆ. “ دیار ژی كر، ” هەوا دارچاندنێ ل سنۆرێ زاخۆ دێ یا بەردەوام بیت و پێشتر ژی مە هەوەك ڕاگەهاند بۆ چاندنا زێدەتر ژ ئێك ملیۆن داران و ئەو پڕۆسە یا بەردەوامە، ئەم ناڕاوەستین هەتا ڕێژەیا كەسكاتییێ ل سنۆرێ ئیدارەیا سەربۆخۆ یا زاخۆ دگەهینینە ئاستێ ستاندەردێ جیهانی. “
