فەلاح مستەفا ده‌ربارەیی هنارتنا نەفتا کوردستانێ: تورکیا یا ئامادەیە

شیره‌تكارێ سەرۆکێ هەرێما کوردستانێ بۆ کاروبارێن دەرڤە دیار كر، پشكداریکرنا نێچیرڤان بارزانی، سەرۆکێ هەرێما کوردستانێ د کۆڕبەندێ دبلۆماسییێ ئەنتالییا یا گرنگە؛ ده‌ربارەیی هنارتنا نەفتا هەرێما کوردستانێ ژی ب رێیا بەندەرێ جەیهان، ”تورکیا یا ئامادەیە.”

ئەڤرۆ (شەمبییێ، 02-03-2024) ێ فەلاح مستەفا، شیره‌تكارێ سەرۆکێ هەرێما کوردستانێ بۆ کاروبارێن دەرڤە د کۆڕبەندێ دبلۆماسیییێ ئەنتالییا، د کۆنگرەكێ رۆژنامەڤانیدا راگەهاند، ”دڤێت مفایی ژ ڤان کۆڕبەندێن نێڤدەولەتی وەربگرین؛ خۆشحالین ب ئاستێ پەیوەندییێن هەرێما کوردستانێ.”

فەلاح مستەفایی گۆت ژی، ئه‌م دشێین ب رێیا ئه‌ڤان کۆڕبەندان پەیوه‌ندییێن هه‌رێمێ پێشبێخین و ”دەرفەتێن هاریکارییێ و هه‌مائاهەنگییێ ب بینین” چونكی نوكه‌ جیهان د گوهۆریناندایە، دڤێت بۆ دیتنا چارەسەرییا کێشان د هاریکار بین.”