ئومێد سەباح، سەرۆکێ دیوانا جڤاتا وەزیرێن هەرێما کوردستانێ ئەڤرۆ پێشوازی ل مارک سترۆ، کونسۆلێ گشتییێ ئەمریکا ل هەولێر و شاندێ دگەلدا كر.
د كۆمبوونێدا، دووماهی پێشهات و ئاریشەیێن بەردەم پرۆسا سیاسییا عیراقێ و پەیوەندییێن هەولێر و بەغدا هاتنە گۆتۆبێژكرن.
سەرۆکێ دیوانا جڤاتا وەزیران و کونسۆلێ گشتییێ ئەمریکا ل هەولێرێ، دووپات ل هەماهەنگی و پەیوەندییێن هەرێما کوردستانێ و ئەمریکا كر، هەروەسا باس ل سەرەدانا مەسرور بارزانی بۆ ئەمریکا کر و هەردوولایان ئەو سەرەدانە ب دیرۆك و پڕ گرنگ وەسف کر.
کونسۆلێ گشتییێ ئەمریکا ل هەولێرێ دووبارە پشتەڤانییا خۆ بۆ حکومەتا هەرێمێ دووپات کر و بەرەڤ پێشڤەچوونا دانوستاندنێن حکومەتا هەرێمێ و حکومەتا عیراقێ و بەردەوامبوونا دیالۆگ بۆ چارەسەرییا ئاریشەیێن دناڤبەرا هەردوولا ب ڕێكێن دەستووری ب پێدڤی زانی.
