لدووڤ ئامارێن وێ رێکخراوێ كو کارێ وان دۆکیۆمێنتکرنا بۆردومان و هێرشێن تورکیا و ئیرانێنە بۆ سەر هەرێما کوردستانێ، د ڤی ماوه‌یی 228 وه‌لاتییێن سڤیل ژی بریندار بووینه.
کامەران عوسمان، ئەندامێ تیما کوردستانی عێراقی یێ رێکخراوا CPT یا ئەمریکی دیار كر، ژ سالا 1990 ێ وێڤه ب بۆردومانێن تورکیا و ئێرانێ نێزیکی 850 وه‌لاتی هاتینه شه‌هید كرن و بریندار كرن، کو پرانییا وان ژی ب هێرشێن تورکیا بووینە”.
هه‌روه‌سا گۆتییه: ل سالا 2023 ێ دا هێزێن تورکی هزار و 548 جاران هێرش و بۆردومان بۆ سه‌ر ئاخا هەرێما کوردستانێ و نەینەوا ئه‌نجام داینه.
ناڤهاتی گۆت ژی، هزار و 159 هێرش ب رێیا فڕۆکێن شه‌ری، 228 هێرش ب رێیا درۆنان، 114 هێرش ب رێیا تۆپبارانێ، سێ هێرش ب رێیا تەقەکرنێ و دو جاران ژی ب رێیا پەقینا مینان بوویە.”
هه‌روه‌سا ل پارێزگه‌ها هەولێرێ 475 هێرش، ل پارێزگه‌ها دهۆکێ 517 هێرش، ل پارێزگه‌ها سلێمانییێ 420 هێرش و ل پارێزگه‌ها نەینەوا ژی 36 بۆردومان و هێرش.
