<h2 style="text-align: justify;"><span style="font-size: 18pt;"> ستێرا فره‌نسى و یانه‌یا پاریس سانجێرمان، كیلیان ئێمباپێ هه‌ڤبه‌ست دگه‌ل یانه‌یا ڕیال مه‌درید یا ئسپانى گرێدا.</span> <span style="font-size: 18pt;">ڕۆژنامه‌یا ماركا یا ئسپانى ئاشكراكر، ئێمباپێ هه‌تا سالا 2029ێ هه‌ڤبه‌ست دگه‌ل ڕیال مه‌دریدێ ئیمزاكرییه، مووچه‌یێ وى دێ دناڤبه‌را 15 بۆ 20 ملیۆن یورۆیاندا بیت.</span> <span style="font-size: 18pt;">ئاشكرا ژى كر، پاداشتێ گرێدانا هه‌ڤبه‌ستێ هه‌تا نوكه نه‌هاتییه دیاركرن، لێ دێ ژ وى پاداشتى كێمتر بیت یێ ل سالا 2022ێ یانه‌یا شاهانه پێشكێشى یاریكه‌رى كرى، پاداشت دێ دماوێ پێنج سالاندا هێته‌دان، ئانكو مووچه‌یێ سالانه یێ یاریكه‌رى دگه‌ل ڕێژه‌یه‌كا پاداشتى دێ گه‌هیته 50 ملیۆن یورۆیان.</span> <span style="font-size: 18pt;">ڕۆژنامه‌یێ ئاماژه ب هندێ دا، ڕیال مه‌دریدێ به‌رى دوو حه‌فتییان بابه‌تێ ئێمباپێ ئێكلاكربوو، دانوستاندن ب سه‌رۆكایه‌تییا خۆسێ ئه‌نخێل سانچێز ڕێڤه‌به‌رێ بجهئینانێ یێ یانه‌یێ هاتبوونه‌كرن.</span></h2>
