ڕێڤه‌به‌رێ به‌نداڤان: پێنج به‌نداڤ ب تمامى سه‌رڕێژبووینه‌

ڕێڤه‌به‌رێ به‌نداڤ و كۆگه‌هێن ئاڤێ ڕاگه‌هاند، پشكه‌كا مه‌زن یا به‌نداڤێن بچووك بۆ ئه‌ڤساله‌ سه‌رڕێژبووینه‌، ئه‌ڤساله‌ به‌نداڤا گومه‌سپان دێ هێته‌ تمامكرن.

ڕه‌حمان خانى ڕێڤه‌به‌رێ به‌نداڤ و كوگه‌هێن ئاڤێ دیاركر، به‌نداڤێن خنس، دێوانه‌، سماقۆلى، ئاوه‌سپى و چه‌میسمۆر ئه‌ڤساله‌ سه‌رڕێژبووینه‌ و دووپاتكر، ژ ئه‌گه‌رێ دروستكرنا به‌نداڤان، ل سالا 2024ێ سه‌رجه‌مێ كۆمڤه‌كرنا ئاڤێ ل هه‌رێما كوردستانێ بۆ زێده‌تر ژ سێ ملیار میترێن سێجا بلندبوویه‌.

ئاماژه‌ ب هندێ ژى دا، د ماوێ دوو سالێن بهێندا شه‌ش به‌نداڤ دێ هێنه‌ تمامكرن، هه‌روه‌سا بریاره‌ ئه‌ڤساله‌ چه‌ند به‌نداڤێن دى بهێنه‌ تمامكرن و مفا ژێ بهێته‌ وه‌رگرتن.