ل عێراقێ دۆسیەیێن گەندەلییێ یێن ب دەهان هزار مووچەخۆرێن نه‌ یاسایی دهێنه‌ ئاشكرا كرن

ل دەستەیا خانەنشینییا عێراقێ دۆسیەیا گەندەلییێ یا 22 هزار مووچەخۆرێن خانەنشینییێ دهێنه‌ ئاشكرا كرن” كو هه‌یڤانه‌ 800 ملیار دینارێن سامانێن گشتی بۆ دهێته‌ خەرج كرن.

سەرۆکێ دەستەیا خانەنشینییا عێراقا فیدرال گۆت: “بەری سێ هه‌یڤان مه‌ نامەكا فەرمی بۆ دەستەیا دەستپاکییا فیدرالی و دەستەیا بلندا  بەرهنگاربوونا گەندەلییێ و جڤاتا بلندا دادوەری و سەرۆکاتییا داواکارێ گشتی هنارت و تێدا  ئاماژە ب هەبوونا 22 هزار خانەنشینێن نه‌یاسایی كرییه‌.”

گۆت ژی: هه‌یڤانە 800 ملیار دینار بۆ ئەوان 22 هزار خانەنشینێن دوور ژ یاسایێ و ڕێنكاران هاتینه‌ خەرج كرن و نوكه‌ مووچێن وان هاتینه‌ برین.

هه‌روه‌سا دیار كرییه‌، دۆسیەیا ئەوان خانەنشینان دچیتە د چارچۆڤێ گەندەلییێ دا، له‌وما وان ئه‌و دۆسییە دایه دەستەیا دەستپاکییێ و دیوانا چاڤدێرییا دارایی و چەنین بەرپرس و فەرمانبەر دەست د وێ گەندەلییێ دا هەنە، ژ وان ژی رێڤەبەرێ به‌رێ یێ خانەنشینیێن ئەنبار و کارمەندێن سندووقا خانەنشینییا فەرمانبەرێن دەوڵەتێ و کارمەندێن دیتر یێن وێ دەستەیێ.”