كۆمبوونا په‌رله‌مانێ عیراقێ بۆ ده‌نگدانێ ل سه‌ر پارێزگه‌هبوونا هه‌له‌بجه‌ نه‌هاته‌ كرن

كۆمبوونا ئه‌ڤرۆ یا په‌رله‌مانێ عیراقێ نه‌هاته‌ كرن، ئێكلاكرنا پرۆژه‌قانوونا پارێزگه‌هبوونا هه‌له‌بجه‌ بۆ ڕوونشتنا بهێت یا په‌رله‌مانى هاته‌ پاشئێخستن.

د. خالد رێكانى ئه‌ندامێ جڤاتا نوونه‌رێن عیراقێ بۆ ئاژانسا خانى دیاركر، دكۆمبوونا ئه‌ڤرۆدا ب تنێ لایه‌نێن كوردى د به‌رهه‌ڤبوون، لایه‌نێن عه‌ره‌بى ئاماده‌بوونه‌بوون داكو ده‌نگى ل سه‌ر پارێزگه‌هبوونا هه‌له‌بجه‌ نه‌ده‌ن و گوت: دڤێت ژ ده‌رڤه‌ى په‌رله‌مانى لایه‌نێن سیاسى رێككه‌ڤتنێ ل سه‌ر ڤى پرۆژه‌ى بكه‌ن داكو بشێن ده‌نگى ل سه‌ر بده‌ن، ئه‌گه‌ر هه‌ر رێككه‌ڤتن نه‌هاته‌ كرن، دێ هنده‌ك رێكێن هێنه‌ بكارئینان.

ئاماژه‌ ب هندێ ژى دا: حه‌فتییا بهێت بهێنڤه‌دانه‌، ل حه‌فتییا دووڤدا په‌رله‌مان دێ جاره‌كا دى كۆمبیت، لێ بۆ ده‌نگدانێ ل سه‌ر ڤى پرۆژه‌ى دڤێت رێككه‌ڤتنێن سیاسى بهێنه‌كرن.