ل هه‌یڤا بهێت دەرگه‌هێ تۆمارکرنا به‌ربژار و لیست و هه‌ڤپەیمانییان بۆ پەرلەمانێ کوردستانێ دێ هێته‌ ڤه‌كرن

ئاژانسا خانی:

بەرپرسێ ئۆفیسا دهۆکێ یا کۆمسیۆنا بلندا سەربەخۆیا هەلبژارتنێن عێراقێ دیار كر: مه‌ به‌رهه‌ڤی بۆ هەلبژارتنێن پەرلەمانێ کوردستانێ کرینه‌ و ل هه‌یڤا بهێت دێ دەرگه‌هێ تۆمارکرنا به‌ربژار و لیست و هه‌ڤپەیمانییان هێته‌ ڤه‌كرن” ئه‌ڤرۆ چارشه‌مبی 20 ی ئیلۆنا 2023 ێ” ده‌مێ نووكرنا تۆمارا بایۆمه‌تری ب دووماهی هات” ل قووناغا بهێت ژی دێ كارتێن بایۆمه‌تری هێنه‌ دابه‌شكرن” دیسان دێ خۆل ژی بۆ كارمه‌ندێن سه‌ر سندۆقێن ده‌نگدانێ هێنه‌ ڤه‌كرن و تێست ژی دێ ل سه‌ر ئامیرێن ده‌نگدانێ ژی هێته‌ كرن.

خالد عەباس” زێده‌تر بۆ ئاژانسا خانی دبێژیت: ل ڤان نێزیكان دێ خشتێ به‌رهه‌ڤییێن کاری بۆ هەلبژارتنێن پەرلەمانێ کوردستانێ گه‌هیته‌ ده‌ستێن مه‌، ئه‌م ژی به‌رهه‌ڤی کرینه‌، لدووڤ وێ خشته‌یێ بۆ مه‌ دهێته‌ دانان، هەر چەندە وه‌سا بریار بوو پێشتر ئه‌و خشته‌یه‌ بگه‌هیته‌ به‌ر ده‌ستێ مه‌” به‌لێ چه‌نده‌كێ پاشكه‌فت.

ناڤهاتی گۆت ژی: بریارە ل هه‌یڤا بهێت دەرگه‌هێ تۆمارکرنا ناڤێن به‌ربژار و لیست و هه‌ڤپەیمانییان بهێته‌ ڤه‌كرن، ئه‌و دشێن خۆ تۆمار بکەن، دیسان دهێته‌ چاڤه‌رێ كرن ژی” هه‌یڤه‌ك بۆ خۆ تۆمارکرنێ بهێته‌ دیار كرن و ل گه‌ل هندێ ژی دێ هژماره‌كا خولان بۆ كارمه‌ندێن سه‌ر سندۆقان هێته‌ ڤه‌كرن.