ل گۆره‌ى به‌یاننامه‌كا ئۆفیسا راگه‌هاندنێ یا جێگرێ سه‌رۆكێ په‌رله‌مانێ ئیراقێ د. شاخه‌وان عه‌بدوللا دویڤچوونا پێشهاتێن كه‌ركووكێ دكه‌ت و په‌یوه‌ندیان ل گه‌ل سه‌رۆكوه‌زیرێ ئیراقێ و لایه‌ن و كه‌سایه‌تیێن سیاسى ئه‌نجامدده‌ت و دوپات دكه‌ت كو ئازراندنا فه‌وزایێ، خولقاندنا قه‌یرانان و گرتنا رێكان گه‌فه ل سه‌ر ئاشتیا جڤاكى“.
د به‌یاننامێ دا زێده‌تر هاتیه “جێگرێ سه‌رۆكێ په‌رله‌مانێ ئیراقێ ب دلگرانی ڤه دویڤچوونا پێشهاتێن كه‌ركووكێ دكه‌ت و د ده‌مژمێرێن بۆرى دا په‌یوه‌ندیێن ته‌له‌فۆنى ل گه‌ل سه‌رۆكوه‌زیرێ ئیراقێ و ژماره‌یه‌كا لایه‌ن و كه‌سایه‌تیان ئه‌نجامداینه و دلگرانیا خۆ ژ شه‌هیدبوونا چار گه‌نجێن كورد و زێده‌بوونا برینداران ژ ئه‌نجامێ ته‌قه‌یێن هێزێن ئه‌منى یێن ئیراقى ل سه‌ر خۆنیشاندانه‌كا ئاشتیانه ده‌ربڕیه“.
شاخه‌وان عه‌بدوللا جێگرێ سه‌رۆكێ په‌رله‌مانى داخواز ژ حكومه‌تا فیدرالى كریه كو رێكارێن ب له‌ز بگریته به‌ر و ئێمناهیێ و سه‌روه‌ریا یاسایێ ل سه‌ر هه‌میان بسه‌پینیت.
