قه‌ته‌رییه‌ك بوو سه‌رۆكێ ئێكه‌تییا نێڤده‌وله‌تییا باسكتبۆلێ

سعود بن عه‌لى ئال سانى یێ قه‌ته‌رى وه‌كو سه‌رۆكێ ئێكه‌تییا نێڤده‌وله‌تییا باسكتبۆلێ ژ 2023ێ هه‌تا 2027ێ هاته‌ هه‌لبژارتن.

دكۆمبوونا ئێكه‌تییا نێڤده‌وله‌تیدا ئه‌وا ل باژێرێ مانیلا یێ پایته‌ختێ فیلیپینێ هاتییه‌ كرن، سعود بن عه‌لى ئال سنى بۆ جهگرتنا یێ ئه‌لمانى هامان نیانگى هاته‌ هه‌لبژارتن.

د داخویانییێن رۆژنامه‌ڤانیدا پشتى وه‌كو سه‌رۆك هاتییه‌ هه‌لبژارتن، سعود بن عه‌لى دیاركر، بۆ وى و وه‌لاتێ قه‌ته‌ر و كێشوه‌رێ ئاسیا شانازییه‌كا مه‌زنه‌ ڤى پۆستى وه‌ربگریت، نوكه‌ ئه‌و نوونه‌رایه‌تییا هه‌موو ئێكه‌تییێن نیشتیمانى ل هه‌موو جیهانێ دكه‌ت.

گوت ژى : باسكتبۆل سپۆره‌كا جیهانییه‌ و ئه‌ڤه‌ خالا هێزا وایه‌، دڤى ده‌ڤیدا ئه‌و ب تنێ دشێت ئێك سۆز بده‌ت، ئه‌وژى كو دێ دگه‌ل به‌رپرسێن ئێكه‌تییا نێڤده‌وله‌تى و جڤاتا كارگێرییێ ب گشتى هه‌موو شیانێن خوه‌ بۆ به‌رژه‌وه‌ندییا باسكتبۆلێ مه‌زێخیت.