<h2 style="text-align: justify;"><span style="font-size: 18pt;">سەرۆك مەسعود بارزانی ئەڤرۆ ڕۆژا سێشەمبی دگەل مامۆستاییێن زانکۆ و پەیمانگەهان ل سنوورێ پارێزگەها دهۆکێ كۆمبوو.</span></h2> <h2 style="text-align: justify;"><span style="font-size: 18pt;">د كۆمبوونێدا سەرۆك بارزانی گۆتارەك پێشكێشكر و تێدا ڕۆلێ سەرەكییێ مامۆستاییان د پێگەهاندنا گەنجان و پێشئێخستنا جڤاك و زانستیدا دیاركر، هەروەسا سوپاسی و پێزانینێن خۆ ئاراستەیی مامۆستاییێن زانكۆیێ كر كو د هەمی ڕەوشەكێدا د سەنگەرێن پێگەهاندن و زانستێدا بووینە و ب دلسۆزییانە خزمەتا وەلاتییێن كوردستانێ كرییە و نەهێلایە پرۆسەیا خواندن و فێركرنێ بهێتە ڕاگرتن.</span></h2> <h2 style="text-align: justify;"><span style="font-size: 18pt;">سەرۆك بارزانی دووپات ل ڕەوشا سیاسییا هەرێما كوردستانێ كر و دیاركر، هەمی بزاڤ دهێنەكرن بۆ بەرفرەهبوونا زەمینێ بۆ ئێكبوون و ئێكدەنگییا دناڤبەرا لایەنان، هەروەسا جوداهییا هزروبیرا بابەتەكێ سرۆشتییە بەلێ پێدڤییە دناڤبەرا لایەنان ل سەر ئارمانجا ستراتیژی و نیشتیمانی د هەڤڕابن.</span></h2> <h2 style="text-align: justify;"><span style="font-size: 18pt;">سەرۆك بارزانی ئاماژە ب دیرۆكا دەولەتا عیراقێ كر كو ل سەر شەراكەتا كورد و عەربا هاتییە دامەزراندن بەلێ ئەو شەراكەتە هاتە پشتگوهـ هاڤێتن و پشكا كوردستانێ جینۆساید و بزاڤا ژناڤبرنا مللەتێ مەبوو و پشتی ژناڤبرنا ڕژێما پێشتر ئەو دەرفەت هاتە پێش كو عیراق ل سەر بنەمایێ شەراكەت و تەوازن و تەوافق و پشتبەستن ب دەستوور هاتەكرن و ئنیەتا لاوازكرنا هەرێمێ و برسیكرنا وەلاتییێن كوردستانێ دناڤ پشكەك ژ دەستهەلاتدارێن عیراقێدا پەیدابوو.</span></h2> <h2 style="text-align: justify;"> <span style="font-size: 18pt;">سەرۆك بارزانی بەحس ل بزاڤێن حكومەتا هەرێما كوردستانێ كر بۆ بنیاتدانانا پەروەردێ و دیتنا دەرفەتێن كاری بۆ گەنجان و ژێدەرێن دی یێن داهاتێ هەرێمێ و هەروەسا دیتنا ئەگەرێن كۆچ و بەرهنگاربوونا ماددێن هۆشبەر، داخواز ژ مامۆستا و ئەكادمییان كر كو د ئەڤی كارێ هەستیاردا هاریكار و پشتەڤانێ حكومەت و لایەنێن پەیوەندیدار بن.</span></h2>
