مهسرور بارزانى سهرۆكێ حكومهتا ههرێما كوردستانێ پێشوازى ل ڤیلله ڤاریۆلا بالیۆزێ ئێكهتییا ئورۆپا ل عیراقێ كر كو ناڤبرى ب مهرهما ب دووماهى هاتنا ئهركێ خوه و خاتر خواستنێ سهرهدانا سهرۆكێ حكومهتێ كربوو.
سهرۆكێ حكومهتێ زێدهبارى سوپاسیكرنا هاریكاری و پشتهڤانییا ئێكهتییا ئورۆپا و بالیۆز ڤاریۆلاى ب تایبهتى ل بزاڤ و كارێن وى د پێشڤهبرنا پهیوهندییێن ههرێما كوردستانێ و ئێكهتییا ئورۆپادا، هیڤییا سهركهڤتنێ د ئهركێن بهێن دا بۆ خواستن.
بالیۆزێ ئێكهتییا ئورۆپا ل عیراقێ، ب پێزانینڤه ئاماژه ب هاریكارى و ههماههنگییا بهردهوام و ب هێز یا حكومهتا ههرێما كوردستانێ دگهل بالیۆزخانه و هنارتی و شیرهتكارێن ئێكهتییا ئورۆپا ل عیراقێ و ههرێما كوردستانێ كر.
