<h3 style="text-align: justify;"><span style="font-size: 18pt;">كۆمیسیۆنا بلندا سه‌ربه‌خۆ یا هه‌لبژارتنێن عیراقێ دێ 250 هزار كه‌سان بۆ سه‌رپه‌رشتیكرنا هه‌لبژارتنێن جڤاتێن پارێزگه‌هان وه‌رگریت.</span></h3> <h3 style="text-align: justify;"><span style="font-size: 18pt;">كۆمیسیۆنا بلندا سه‌ربه‌خۆ یا هه‌لبژارتنێن عیراقێ ده‌رگه‌هێ پێشكێشكرنا داخوازكرنێ بۆ سه‌رپه‌رشتیكرنا هه‌لبژارتنێن جڤاتێن پارێزگه‌هان ڤه‌كر، كو فه‌رمانبه‌ر و ده‌رچوویێن زانكۆ و په‌یمانگه‌هان ب خۆڤه‌دگریت.</span></h3> <h3 style="text-align: justify;"><span style="font-size: 18pt;">جۆمانه غه‌لاى په‌یڤدارا كۆمیسیۆنا بلندا سه‌ربه‌خۆ یا هه‌لبژارتنێن عیراقێ راگه‌هاند، ئه‌و ده‌رفه‌ته 250 هزار كه‌سان بخۆڤه‌دگریت، كو دێ وه‌ك كارمه‌ند بۆ هه‌لبژارتنێن جڤاتێن پارێزگه‌هان كاركه‌ن، پێدڤییه ل سنۆرێ وان 15 پارێزگه‌هان بن یێن هه‌لبژارتن تێدا دهێنه‌كرن.</span></h3> <h3 style="text-align: justify;"><span style="font-size: 18pt;">سه‌باره‌ت شێوازێ وه‌رگرتنا ئه‌وان كارمه‌ندان غه‌لاى گوت: هه‌تا نوكه ئه‌و چه‌نده نه‌هاتییه ئێكلاكرن كا دێ ب هه‌ڤبه‌ست بن یان هه‌رده‌مى و مووچه‌یێ وان دێ چه‌ند بیت، ئه‌و دێ دووڤدا ب رێنمایان هێنه راگه‌هاندن.</span></h3> <h3 style="text-align: justify;"><span style="font-size: 18pt;">ل دووڤ رێنمایێن كۆمیسیۆنێ، ئه‌و كه‌سێن داخوازان پێشكێش دكه‌ن، نابیت ژ 19 سالییێ كێمتر بن و ژ 56 سالییێ زێده‌تر بن.</span></h3>
