شێروان عه‌بدولا خورشید رێڤه‌به‌رێ گشتییێ راگه‌هاندن و چاپێ ل وه‌زاره‌تا ره‌وشه‌نبیرى و لاوان ل هه‌رێما كوردستانێ دیاركر، رێكارێن نوو بۆ میدیا یا ئه‌لكترۆنى هاتینه ده‌ركرن و دڤێت هه‌موو ئه‌و په‌یجێن كارێ میدیایێ دكه‌ن، خوه تۆماربكه‌ن و خودانێن وان بهێنه دیاركرن.
رێڤه‌به‌رێ گشتییێ راگه‌هاندن و چاپێ ل وه‌زاره‌تا ره‌وشه‌نبیرى و لاوان ئاماژه ب هندێ ژى كر، ئه‌و ل ده‌ستپێكێ په‌یج و دامه‌زراوه‌یێن میدیایێ ئاگه‌هدار دكه‌ن كو خوه تۆماربكه‌ن، دووڤدا دێ وه‌زاره‌ت و فه‌رمانگه‌هێن حكومه‌تا هه‌رێما كوردستانێ ئاگه‌هداركه‌ن كو هه‌ر چ په‌یج و میدیایه‌كا كارێ میدیایێ بكه‌ت و بڤێت روومالا كار و چالاكییان بكه‌ت، ئه‌گه‌ر موله‌ت نه‌بوو، رێك پێ نه‌هێته‌دان ل چ جهان روومالان بكه‌ن.
شێروان عه‌بدولا خورشید گوت ژى : ئه‌وێن خوه تۆمار نه‌كه‌ن، دێ سكالا ل سه‌ر وان هێته تۆماركرن و ره‌وانه‌ى دادگه‌هێ هێنه‌كرن، پشكه‌كا وان نوكه سكالا ل سه‌ر هاتییه تۆماركرن ژى.
