سالح حه‌یده‌ر: مه‌ ئاماده‌كارییێن ته‌مام بۆ هه‌لبژارتنێن جڤاتێن پارێزگه‌هان كرینه‌

ئاژانسا خانی:

بەرپرسێ لقێ 20 یێ پارتی دیموکراتی کوردستان ل شێخان دیار كر: مه‌ ئامادەکارییێن تەمام بۆ هەلبژارتنێن جڤاتێن پارێزگه‌هان کرینە و كۆمسیۆنا هه‌لبژارتنێن عیراقێ 26 ئه‌ندام بۆ جڤاتا پارێزگه‌ها مووسلێ دیار كرینه‌” دیسان نوكه‌ كارتێن ده‌نگدانێ دهێنه‌ نووكرن.

سالح حەیدەر، بەرپرسێ لقێ 20 یێ پارتی یموکراتی کوردستان ل شێخان، بۆ ئاژانسا خانی گۆت: مه‌ دەست ب ئامادەکارییان کرییە بۆ هەلبژارتنێن جڤاتێن پارێزگه‌هان و مه‌ چەندین کۆمبوون ب هەماهەنگی ل گەل مەکتەبا رێکسختنێ کرینە، داكو بزانین دێ شێین چەند کاندیدان پێشکێشی کۆمسیۆنێ کەین، مه‌ ئامادەکاری کرینە و هنده‌ک رێکار بۆ كاندیدان هەنه‌ داكو بهێنه‌ وەرگرتن، هه‌تا نوكه‌ گه‌له‌ك ژ خەلکی سیڤی یێن خۆ پێشکێش کرینە و هێشتا ناڤێن چ كه‌سان نه‌هاتینه‌ پەسەند کرن، هه‌تا بڕیارا دووماهییێ دهێته‌ دان” ژ نوو دێ ناڤ هێنه‌ دیار كرن” هه‌روه‌سا جڤاتا پارێزگه‌ها مووسلێ ژ 26 ئه‌ندامان پێك دهێت و بۆ قه‌زا شێخان ژی  دێ ( 3 یان 4) ئه‌ندام بۆ جڤاتا پارێزگه‌ها مووسلێ هێنه‌ دیار كرن و ل سنوورێ قه‌زا شێخان مه‌ 107  هزار ده‌نگده‌ر هه‌نه‌ و دشێن ده‌نگێ خۆ بۆ ڤان هه‌لبژارتنان بده‌ن و دیسان دو ژن ژی ل قه‌زا شێخان دێ هێنه‌ كاندید كرن بۆ جڤاتا پارێزگه‌ها مووسلێ.