په‌رله‌مانتاره‌ك: ل عیراقێ لێبۆرینا تایبەت بۆ زیندانییان دێ ھێتە دەرکرن

ئاژانسا خانی ” تایبەت:

جێگرا سەرۆکێ لژنا مافێ مرۆڤی ل پەرلەمانێ عێراقێ دیار كر، بڕیارە لێبۆرینا تایبەت بۆ ھژمارەکا زیندانییێن عێراقێ بھێتە دەرکرن و دبێژیت، دێ کار کەین بۆ باشترکرنا ژیانا دناڤا چاکسازییان و دەرکرنا لێبۆرینێ بۆ زیندانییان.

جوان عەبدوللا، جێگرا سەرۆکێ لژنا مافێ مرۆڤی ل پەرلەمانێ عێراقێ بۆ ئاژانسا خانی دیار کر، لژنا مافێ مرۆڤی بەردەوام بزاڤ کرینە بۆ دەرکرنا لێبۆرینا تایبەت بۆ زیندانییێن عێراقێ و بەری نوکە ژی ل گەل سەرۆکاتییا کۆماری و لایەنێن پەیوەندیدار مە کار کرییه‌ بۆ دەرکرنا لێبۆرینێ بۆ زیندانییێن دناڤا چاکسازییێن عێراقێ، بیتایبەتی ھندەک زیندانییێن ژن ھەین” پێدڤی ب لێبۆرینێ ھەیە و بڕیارە لێبۆرینا تایبەت بۆ ھژمارەکا زیندانیان بھێتە دەرکرن.

ناڤهاتییێ گۆتژی” بڕیارە پشتی رێکارێن قانوونی و کارگێڕی لێبۆرینا تایبەت بۆ ھژمارەکا زیندانیان بھێتە دەرکرن، ھەر چەندە ئەو ھژمارا دێ مفادار بیت ژ دەرکرنا لێبۆرینا تایبەت لدووڤ حه‌زا مه‌ نینه‌، چونکی مە دخواست ھژمارەکا زێدەتر یا زیندانییان مفادار ببن ژ دەرکرنا لێبۆرینا تایبەت، بەلێ دێ بەردەوام بین بۆ باشترکرنا ژیانا زیندانییان دناڤا چاکسازییێن عێراقی دا.