گه‌رما یا شه‌‌ڤێ مه‌زنترین مه‌ترسییه‌ بۆ تووشبوون ب جه‌لته‌یا دلى

نه‌ته‌وه‌یێن ئێكگرتى گه‌رما یا ب شه‌ڤێ ب مه‌زنترین مه‌ترسى بۆ جه‌لته‌یا دلى دهژمێریت.

پله‌یێن گه‌رمێ ل باژێرێ تورپان یێ چینى گه‌هشتنه‌ 52 پله‌یێن سیلیزى، ل باژێرێ كالیفۆرنیا یێ ئه‌مریكى گه‌هشته‌ 56 پله‌یان.

رێكخراوا سه‌قاناسییا نه‌ته‌وه‌یێن ئێكگرتى دیاركر، ئه‌ڤه‌ ب تنێ ده‌ستپێكا گه‌رما یا دژوار یا ئه‌ڤ ساله‌یه‌، ل دووڤ ئاخڤتنێن به‌رپرسه‌كێ بلندێ رێكخراوێ، ئه‌ڤێ گه‌رمێ كارتێكرنه‌كا مه‌ترسیدار ل سه‌ر ساخله‌مییا مرۆڤان هه‌یه‌ و پترین جه‌لته‌ژى ژ ئه‌گه‌رێ گه‌رما یا شه‌ڤێ روو د ده‌ن.

جۆن نایرن شیره‌تكارێ پله‌یێن گه‌رما یا بلند ل رێكخراوا سه‌قاناسییا جیهانى دبێژیت : پله‌یێم گه‌رمێ یێن بلند ل ده‌مێ ب شه‌ڤ، بۆ ساخله‌مییا مرۆڤى د مه‌ترسیدارن، ژبه‌ركو له‌شى شیانێن قورتالبوونێ ژ وێ گه‌رما چوویه‌ دناڤدا نابن، ئه‌ڤه‌ژى روودانێن جه‌لته‌یا دلى و مرنێ زێده‌ دكه‌ت، د ده‌مه‌كیدا پترین سه‌رنج ل سه‌ر بلندترین پله‌یێن گه‌رما یا ب رۆژێ نه‌، پله‌یێن گه‌رمێ یێن ب شه‌ڤ مه‌زنترین مه‌ترسى هه‌نه‌.