مەسرور بارزانی داخوازییەكا خەلكێ ئەڤێ دەڤەرێ بجهـئینا

سه‌رۆكێ حكومه‌تا هه‌رێما كوردستانێ داخوازا ئێكێ یا خه‌لكێ كفرى بجهئینا و ل ده‌مه‌كێ نیزیك دێ به‌هرا پتر یا داخوازێن وان بجهئینیت.
پێشه‌وا هه‌ورامى په‌یڤدارێ حكومه‌تا هه‌رێما كوردستانێ به‌لاڤكرییه‌، سه‌رۆكوه‌زیران مه‌سرور بارزانى بۆ ئاریشه‌یێن خه‌لكێ كفرى، داخوازا چاره‌سه‌رى و دووڤچوونێن بله‌زكر، داكو ب كێمترین ده‌م ئه‌وا د شیانێن حكومه‌تێدا بیت، ئاریشه‌یێن وان بهێنه‌ چاره‌سه‌ركرن.
ئه‌وژى دیاركر، ئێك ژ داخوازییێن خه‌لكێ كفرى بلندكرنا پله‌یا سه‌رۆكایه‌تییا باژێرڤانییا كفرى بوو، له‌وما ل سه‌ر فه‌رمانا سه‌رۆكوه‌زیران، پشتى بلندكرنا داخوازا وان ژلایێ وه‌زاره‌تا باژێرڤانى و گه‌شتوگوزارێڤه‌، ل دووڤ ماده‌یێ 10 ژ قانوونا ب رێڤه‌برنا باژێرڤانییان ژماره‌ شه‌ش یا سالا 1993ێ، ره‌زامه‌ندى نیشاندا بۆ بلندكرنا پله‌یا سه‌رۆكایه‌تییا باژێرڤانییا كفرى ژ پله‌ دوو بۆ پله‌ ئێك بۆ زێده‌تر خزمه‌تكرنا خه‌لكێ باژێرى.