پارتی سکالا تۆمارکر

پەرلەمانتارەکێ پارتی ل بەغدا: مە ل دادگەها فیدڕالی سکالا ل دژی هندەک برگەیێن دەستووری تۆمارکر.

خالد ڕێکانی، ئەندامێ جڤاتا نوونەرێن عیراقێ بۆ ئاژانسا خانی گۆت:”فڕاکسیۆنا پارتی دیموکراتی کوردستان ل دژی هندەک خالێن بڕگەیێن بودجەیا گشتی یا عیراقێ، سکالا ل دادگەها فیدڕالی تۆمارکر.”

دیارکر ژی، پارتی سکالا لسەر چەند خالێن ماددێن 12 ،13 ،14 یێن کو گرێدای پشکا هەرێما کوردستانێ نە ژ بودجەیا گشتی یا عیراقێ تومارکریە.

دەربارەی ئەگەرێن تومارکرنا سکالایێ ژ لایێ پارتی دیموکراتی کوردستان ڤە، خالد ڕێکانی گۆت:”ژبەرکو پڕۆژە یاسایا بودجەیا گشتی یا عیراقێ ل دویڤ ئەوێ ڕێککەفتنا دناڤبەرا حکومەتێن هەولێر و بەغدا دا هاتیە کرن، نە هاتیە پەسەندکرن و چەندین گۆهڕین کو هەڤدژی ڕێککەفتنێ ژ لایێ لژنا دارایی ڤە د پرۆژە یاسایێ دا هاتبوونە کرن، کو نە د بەرژەوەندیا هەرێما کوردستانێ دانە، لەورا ژی پارتی ب فەر زانی بەرەڤانییێ ژ مافێن کورد و کوردستانیان بکەت و سکالا ل دادگەها فیدڕالی تۆمارکر.”