حەفتیا بهێت پەرلەمانێ عیراقێ دێ ل دوور ڕێنماییێن بجهئینانا بودجێ کۆمبیت

پەرلەمانتارەکێ کورد ل جڤاتا نوونەرێن عیراقێ دیارکر، ل حەفتیا بهێت کۆمبووونا ئێکێ یا وەرزێ نوو یێ جڤاتا نوونەرێن عیراقێ دێ برێڤەچیت.

خالد ڕێکانی، ئەندامێ جڤاتا نوونەرێن عیراقێ ژ فڕاکسیۆنا پارتی دیموکراتی کوردستان بۆ ئاژانسا خانی ڕاگەهناد، سوبەهی 9 تیرمەها 2023، دێ وەرزێ نوو یێ پەرلەمانێ عیراقێ دەستپێکەت و بڕیارە ل 15 تیرمەها 2023 کو دبیتە ڕۆژا شەمبیا داهاتی، کۆمبوونا ئێکێ یا جڤاتا نوونەرێن عیراقێ بهێتە ئەنجامدان.

خالد ڕێکانی، دەربارەی بجهئینانا یاسایا بودجەیا گشتی یا عیراقێ گۆت:”بڕیارە د کۆمبوونا ئێکێ یا وەرزێ نوو یێ جڤاتا نوونەرێن عیراقێ دا، گۆتوبێژ ل سەر دەرکرنا ڕێنماییێن بجهئیانانا بودجەیا گشتی یا عیراقێ بهێتە کرن.”