عەلی حسێن بەرپرسێ پەیوەندیێن نیشتمانی یێن پارتی یا دیموکراتا کوردستانێ دەربارەی ناڤەرۆکا کۆمبوونا شاندێ پارتی و ئێکگرتوو یا ئیسلامی راگەھاند: د کۆمبوونێ دا دانوستاندن دەربارەی ھژمارەکا پرسان ھاتەکرن و لێکتێگەھشتنەکا باش د ناڤبەرا وان دا ھەبوو.
عەلی حسێنی د لێدوانەکا رۆژنامەڤانی دا بۆ دەزگەھێن راگەھاندنێ دیارکر: پشتی کۆمبوونا د ناڤبەرا شاندێ پارتی و یەکگرتوو یا ئیسلامی دا ھاتینە و گۆتی: دێ بزاڤ کەن د گەل لایەنێن دی یێن سیاسی ژی کومببن، چ ل سەر ئاستێ ناڤخۆیی یێ ھەرێما کوردستانێ یان ژی ل سەر ئاستێ ئیراقێ.
ئاشکرا ژی کر، ئەو لێکتێگەھشتنا د ناڤبەرا شاندا پارتی و یەکگرتوویا ئیسلامی دا ھاتی، ل سەر پرسێن ئاریشەیێن د ناڤبەرا ھەڤلێر و بەغدا و کۆمەکا بابەتێن دی یێن پەیوەندیدار ب ھەرێما کوردستانێ بوو.
ئاماژە ب وێ چەندێ ژی کر، د داھاتییەکێ نێزیک دا دێ دگەل ھەر ئێک ژ ئێکەتییا نیشتمانییا کوردستانێ، تەڤگەرا گۆڕان، کۆمەلا ئیسلامی و ھەموو لایەنێن دیتر بۆ ھەمان مەرەمێ کومبین.
