هاتنوچوونا وه‌لاتی و گه‌شتیاران ل ده‌رییێ سنۆرییێ پێشابوورێ ئاسایى بوو

بۆ ماوێ 25 رۆژان بوو ده‌رییێ سنۆرییێ پێشابوورێ هاتییه‌ گرتن، ئه‌ڤرۆ دووشه‌مبى پێنجى خزیرانا 2023ێ هاته‌ ڤه‌كرن و هاتنوچوونا وه‌لاتى و بازرگانان وه‌كو پێشتر ئاسایى بوو.

شه‌وكه‌ت به‌ربهارى رێڤه‌به‌رێ ده‌رییێ سنۆرییێ پێشابوورێ بۆ ئاژانسا خانى دیاركر، ئه‌ڤرۆ ده‌رییێ پێشابوورێ دناڤبه‌را هه‌رێما كوردستانێ و رۆژئاڤایێ كوردستانێدا هاته‌ڤه‌كرن، نوكه‌ هاتنوچوون دناڤبه‌را هه‌رێمێ و رۆژئاڤادا یا ئاساییه‌ و هه‌ر كه‌سه‌كێ بڤێت سه‌ره‌دانا رۆژئاڤایێ كوردستانێ بكه‌ت، دشێت ب رێكا ئۆنلاین داخوازا وه‌رگرتنا موله‌تا ده‌ربازبوونێ ژ پێشابوورێ پێشكێشبكه‌ت.

هه‌روه‌سا گوت : هه‌ر خۆدان نڤیسینگه‌هـ و وه‌لاتییه‌كێ بڤێت هاتنوچوونێ ب رێكا ده‌رییێ پێشابوورێ بكه‌ت، دێ ب شێوه‌یه‌كێ ئاسایى رێك پێ هێته‌دان، ژبه‌ركو بریارا ڤه‌كرنێ دبه‌رژه‌وه‌ندییا وه‌لاتییاندا هاتییه‌ دان.

شه‌وكه‌ت به‌ربهارى ئاماژه‌ ب هندێ دا، هاتنوچوون ل ده‌رییێ سنۆرى وه‌كو پێشتر نه‌ بتنێ بۆ وه‌لاتییان ئاسایى بوویه‌، به‌لكو لڤینا بازرگانى ژى ئاسایی بوویه‌.