<h3 style="text-align: justify;"><span style="font-size: 18pt;">سه‌رۆكێ حكومه‌تا هه‌رێما كوردستانێ دگوتاره‌كێدا ل رێوره‌سمێن ڤه‌كرنا كارگه‌ها زۆم یا به‌رهه‌مێن شیرى ل مێرگه‌سۆرێ، په‌یامه‌ك ل دۆر دووماهى گوهۆرینێن پرۆژه قانوونا بودجه‌ى و پاشكه‌ڤتێ مووچه‌یێ فه‌رمانبه‌رێن هه‌رێما كوردستانێ ئاراسته‌كر و راگه‌هاند، پاشكه‌ڤتێ مووچه‌ی قه‌ره ل ستوویێ حكومه‌تا فیدرالى و گوهۆرینێن بودجه‌ى ژى نه‌ده‌ستوورینه و سازشێ ل سه‌ر مافێن خه‌لكێ هه‌رێما كوردستانێ ناكه‌ین.</span></h3> <h3 style="text-align: justify;"><span style="font-size: 18pt;">مه‌سرور بارزانى سه‌رۆكێ حكومه‌تا هه‌رێما كوردستانێ ل دۆر گوهۆرینێن مادده‌یێن 13 و 14 یێن پرۆژه قانوونا بودجه‌یا عیراقێ دیاركر، ئه‌گه‌ر ئه‌و بریارێن لژنه‌یا دارایى بهێنه بجهئینان، دێ زیانه‌كا مه‌زن گه‌هیته خه‌لكێ هه‌رێما كوردستانێ، هه‌روه‌سا دووپاتى ل هندێ كر، ئه‌و خاله نه‌ده‌ستوورینه و نه پشكه‌كن ژ وێ رێككه‌ڤتنا دناڤبه‌را حكومه‌تا هه‌رێما كوردستانێ و حكومه‌تا فیدرالیدا هاتییه ئیمزاكرن.</span></h3> <h3 style="text-align: justify;"><span style="font-size: 18pt;">سه‌باره‌ت پاشكه‌ڤتێ مووچه‌ى، سه‌رۆكێ حكومه‌تا هه‌رێما كوردستانێ راگه‌هاند، پاشكه‌ڤتكرنا مووچه‌یێ فه‌رمانبه‌ران ژ ئه‌نجامێ برینا بودجه‌یێ هه‌رێما كوردستانێ ژلایێ به‌غداڤه بوو، هه‌رچه‌نده كابینه‌یا نه‌هێ چ مووچه پاشكه‌ڤت نه‌كرینه و مووچه‌یێ فه‌رمانبه‌ران به‌لاڤكرییه، ئه‌و ژى دبێژن : دڤێت پاشكه‌ڤتێ مووچه‌ى ڤه‌گه‌ریت كو قه‌ره‌كه ل سه‌ر حكومه‌تا عیراقێ و ئه‌و دێ ل سه‌ر به‌ره‌ڤانیكرنێ ژ مافێن وه‌لاتییان د به‌رده‌وامبن.</span></h3>
