<h3 style="text-align: justify;"><span style="font-size: 18pt;">حكومه‌تا هه‌رێما كوردستانێ دكۆمبوونا ئه‌ڤرۆ دا ب به‌هرا پتر یا ده‌نگان رێكخستنا داراییا گشتى و ب ناڤه‌ندیكرنا مووچه‌ى په‌سه‌ندكر، ل دۆر ئه‌وان مادده‌یێن گرێداى شایسته‌یێن دارایى یێن هه‌رێما كوردستانێ دبودجه‌یا گشتییا عیراقێدا، حكومه‌ت دبێژیت: گوهۆرین دمادده‌یێ 12ێدا هاته‌كرن و ئه‌و ده‌سته‌واژه‌یه مه‌ترسى بوو ل سه‌ر هنارتنا شایسته‌یێن دارایى یێن هه‌رێما كوردستانێ.</span></h3> <h3 style="text-align: justify;"><span style="font-size: 18pt;">جڤاتا وه‌زیرێن هه‌رێما كوردستانێ ب سه‌رپه‌رشتییا سه‌رۆكوه‌زیران مه‌سرور بارزانى و جێگرێ وى كۆمبوو.</span></h3> <h3 style="text-align: justify;"><span style="font-size: 18pt;">برگه‌یا ئێكێ یا كۆمبوونێ یا تایبه‌ت بوو ب روونكرنا دووماهى پێشهاتێن پرۆژه‌قانوونا بودجه‌یا گشتییا عیراقێ بۆ سالێن 2023، 2024 و 2025ێ، حكومه‌تێ دانوستاندن ل دۆر وان مادده و برگه‌یان كر یێن په‌یوه‌ندى ب شایسته‌یێن دارایى یێن هه‌رێما كوردستانێڤه هه‌ى، كو د كۆمبوونا جڤاتا وه‌زیرێن عیراقێ یا 2-5-2023ێدا، هنده‌ك مادده هاتنه هه‌مواركرن و دناڤدا گوهۆرین دمادده‌یێ 12ێدا هاته كرن و لادانا ئه‌وێ ده‌سته‌واژه‌یێ بوویه مه‌ترسى ل سه‌ر هنارتنا شایسته‌یێن دارایى یێن هه‌رێما كوردستانێ.</span></h3> <h3 style="text-align: justify;"><span style="font-size: 18pt;">سه‌رۆكوه‌زیرێن هه‌رێما كوردستانێ ل دۆر دانوستاندنێن دناڤبه‌را حكومه‌تا هه‌رێما كوردستانێ و حكومه‌تا فیدرالدا راگه‌هاند، رێككه‌ڤتن ب ئاراسته‌یێ به‌رژه‌وه‌ندییا هه‌ردوو لایاندا و ل سه‌ر بنه‌مایێن ده‌ستوورى و دابینكرنا شایسته‌یێن دارایى یێن هه‌رێما كوردستانێ د پرۆژه‌قانوونا بودجه‌یدا هاتییه كرن، له‌وما دڤێت له‌ز د په‌سه‌ندكرنا بودجه‌یدا بهێته‌كرن و رێز ل ماف و شایسته‌یێن ده‌ستوورى یێن هه‌رێما كوردستانێ بهێته گرتن، چ گوهۆرین ژ ده‌رڤه‌ى برگه‌یێن رێككه‌ڤتن و ئێك گه‌هشتنا هه‌ڤپشكا هه‌ردوو لایان د پرۆژه‌یدا نه‌هێنه‌كرن.</span></h3>
